Ядмаг оюун ухаан

Ядуу хүн гэж үгүй харин ядмаг оюун ухаан гэж байдаг хэмээн хэн нэгэн хэлсэн санагдана. Хэн ч хэлсэн бай энэ бол үнэн үг юм. Хэдий чинээ баян бодол санаатай байна, төдий чинээ амьдрал нь баялаг байдаг. Бид сэтгэлээр баян хүн гэж ярих дуртай. Тэд энгийн яриандаа л өө зө энэ болно доо, санаж явбал бүтнэ, сажилж явахад хүрнэ, энэ ч мөн амны билэгтэй юм ярьж байна даа гээд л ярина. Харин зарим нэг нь надад юу ч байхгүй ээ, мөнгөтэй хүний хийдэг ажил байна, мөнгөгүй юм чинь тэрүүгээр яахын гэх мэт хоосон ядмаг оюун ухаанаар бүх юманд ханддаг. Тэгэхээр энэ бүхнийг халах цаг болсон юм биш үү, залуус аа. Бүгдээрээ хөдөлмөрлөе, хийцгээе, бүтээцгээе.

Сайн уу

Хавар болж байх шиг байна. урин дулаан цаг ирж байгаа нь юутай сайхан. Тийм болоод ч би блогийнхоо арын фоныг сольчлоо. Сүүлийн үед блогтоо бичлэг нэмсэнгүй. тун завүй гэх нь хаашаа юм. Гэхдээ л болсонгүй. Хэд хоногийн өмнөхөн ажлынхан маань ахмад буурлуудаа баярлуулж хүлээж авсан. Тэр арга хэмжээнд оролцох гэсэн ахмадуудын тоо их байдаг болохоор урилга энэ тэр нь хүрэлцээ муутай. Хүрээгүй нэг нь гомдоллож, авсан нэг нь голж шилж ер нь олон хүмүүсийн олон ааш аягийг харна даа. Ухаант хүмүүс овилгогүй загнах нь заримдаа тиймхэн санагдах ч баярлаж гялайсан хүмүүс тэднээс харьцангүй их болохоор сэтгэл өндөр үлддэг сэн. Заримдаа аятайхан хэл амаа ойлголцох гээд өөрийн мэдэлгүй тэдний адил болчихсон л зогсоно. Ер нь тэгээд ч олон нийтийн ажил гэж ярвигтай л юм байна доо. Баярласан нэг нь талархаж байна гээд чихэр жимс өгчихнө. түүнийг харсан нэг нь хахууль энэ тэр авлаа гэнэ. Инээдтэй ч юм шиг.
Надад нэг санаа байдагийн. Ерөөсөө иймэрхүү арга хэмжээ хийхгүй байвал дээр ч юм шиг. Өмнө нь хийхгүй байхад болоод л байсан байхад одоо бололгүй дэ. Хүмүүс гэдэг ер нь л бэлэн юм аваад сурчихсан. Үнэ төлбөргүй оролцоод сурсан. тэр зангаа гээж чаддаггүй болохоор бөөн гомдол, тунирхал.
За ингээд бэлэнчлэх сэтгэлгээг халахын төлөө энэ туулай жилдээ ажиллах болтугай гэж хамтрагч нартаа уриалья. Тэгэхгүй бол хамаг байдаг хүч чадлаа үгээр тараагаад дуусах байх шүү.

२०११ он

Өнөөдөр би шинэ оныхоо анхны бичлэгийг хийж байна. Өчигдөр ажил дээрээ дээс авчраад цаг гарахаар нь хааяа дааа үсэрч үзлээ. Биеийн чилээ гараад ажил хийх эрч хүч нэмэгдээд надаа бол сайхан байлаа. Уг нь их эрт ажил дээр хөдөлгөөн муутай байдаг юм чинь теннис ч юм уу, дээс ч юм уу нэг зүйл хийе дээ гэж бодоод байснаа хэрэгжүүлсэн нь энэ. Би өөрийгөө үнэлэх болсондоо их баяртай байгаа. 2011 онд их ажил, их үйлсээр дүүрэн байх болно.

Нутаг

Дорнын говьдоо зочилж
Дотоод сэтгэлээ нээхсэн
Дотно санагдах шаргалхан талдаа
Догдлон байж хүслээ шивнэхсэн
Хан баянзүрх уулаа нэг эргэж
Хат суусан сэтгэлийнхээ
Хүлээсийг нэг тайлахсан
Хамгийн ихээр хүсэн тэмүүлсэн
Хонгорхон элстэй нутагаараа нэг зочлохсон

T.Bayasgalan /21 дарь эхийн зүрхэн тарни/

Мэдээллийн сүлжээ гэж...

Сарын өмнө би ажлын шаардлагаар нэг хүнийг эрж олж америкт байх ээжийнх нь мэйл хаягийг олох шаардлагатай болсон юм. Мэссэнжэртээ зар бичэд тарааж орхилоо, энд тэндээс утас хаягийг нь олоод өгнө гэсэн олон арван хүн холбогдож 24 цаг ч бололгүй нөгөө хайж байсан хүнээ олсон юм даг. Харин хэдхэн хоногийн өмнөхөн би Монгол улсын донор хүнийг эрж хайх ажил гарч тэр хүний сураг төдий мэдээлэлтэй болсон байлаа. хэд хэдэн тийшээ утасдаж амьдарч байж магадгүй хорооных нь даргатай ярьсан ч мэдэхгүй гэсэн хариуг авсаан. Гэвч олон жил ажиллаж байгаа хороон даргаас илүүтэй би интернэтэд нэрийг нь бичээд хайлт хийгээд хаана хамаардаг хүн болохыг нь мэдэж авч нийслэлд үйл ажиллагаа явуулдаг лавлахуудаас утасыг нь олж холбоо тогтоож билэээ. Монгол улсын хүндэт донор Ч.Шараа гуай нийт 42 л цус олон хүний амь насыг аврахад хандивласан тэр эрхэмийг хайж олох бас тийм ч амаргүй байсан. манай мэдээллийн лавлах утаснууд иймэрхүү хүмүүсийн судалгааг гаргаж гэрийн хаяг, холбогдох мэдээллүүдийн сантай болмоор санагдсан шүү. гэхдээ тэднээс илүү интернэт бидэнд илүү ихээр хоёр дахь удаагаа тусалсан нь энэ билээ.

Амьддаа бие биенээ хайрла

Цасан дээрх мөр /Өгүүлсэн шүлэг/

Нойтон цас малгайлан хаялна. Хүйтэн болж байгаа ч гэлээ шинэхэн орж байгаа энэ намрын цасыг харж зогссон бяцхан охин ээждээ гүйн ирж "ээж ээ энэ цасан дээгүүр мөр гаргаад гүйх үү" гэх шиг гараас нь хөтлөн зам руу чирэх аж. Өөрийнхөө гишгэсэн мөрийг эргэн эргэн харж баясаад минийх жижигхэн, таны мөр том байна шдээ ээж ээ гэж шулганана. Бээлийгээ тайлаад модон сандал дээрх цасыг барьж үзээд л гайхаж байгаа нь илхэн. Наранд гялтганах сайхан өнгө нь нүд гялбаад л... Охиных нь баясгалантай царай сэтгэлд нь гэрэл гийгүүлээд л... Тэр бүсгүй аз жаргалаар дүүрэн байлаа. Тэр хоёр Онгоцны буудал дээр хэсэг салхилж байснаа дотогш орж хүлээлгийн танхимд суув. Онгоцны буудлын узелиэр бүсгүй хүний уянгалаг хоолойгоор .....-н нислэг Улаанбаатарт газардлаа гэх нь хүртэл сайхан сонсогдоно. Удалгүй гол хаалгаар хүмүүс гарч ирцгээхэд хажууд сууж байсан охин маань "Аав аа, аав аа" гэж хэлээд гүйгээд явчихав. Гадаа энэ намрын цас ороод л, олон олоон жилийн дараа охин минь элэг бүтэн амьдрах нь дээ гэж тайвшираад л.. өнөөдөр чинь ямар сайхан өдөр вэ гэж бүсгүй бодсоор Цонхийсон туранхай атлаа нүдээрээ инээсэн зөөлөн харцтай залуун зүг зоримогхон алхлаа.

Навчисын чимээ /Өгүүлсэн шүлэг/

Гадаа бороо орж байна. Намрын бороо хүйтэн бас гунигтай юм. Хатсан шар навчисууд норсон болохоор шажигнаж дуугарахаа больчиж, уг нь бас л сонин дуу гардагсан. Хөлд хөглөрсөн навчисийн тэр чимээг сонсох гэж өшигчин тараачихдаг байж билээ. Тэгэхэд хажууд алхах өвөө эмээ хоёр "Хүүе чи байг гэм. яасан сахилгагүй монди вэ. хог болгоод" гээд л зэмлэнгүй харна. Салхинд туугдан замаар хийсэхдээ тэд бас л өрөвдөлтэй. Олонд гайхагдаж байсан сайхан өнгөө алдаж газарт унаад хаашаа ч хамаагүй хийсээд шороонд дарагдан хөрсөнд шингэнэ. Богинохон настай ч дараа жил бас л хүрээд ирнэ. Тэр нь л сайхан шүү.

ЗҮҮД /Өгүүлсэн шүлэг/

Бүсгүй ингэж бодлоо. Зүрх минь ахиад л догдлоод байх юм. Яарч тэвдээд л, баярлаж мишээгээд л... гараас атган замын турш явсаныг чинь бодохоор сайхан ч юм шиг. Дулаахан бас зөөлөн гар мэдрэгдэж байсан. Одоо ч гар минь халуу дүүгэх мэт. Баяртай гэж үнсээд гэрийн гадаа буулгахдаа нэг их дотно тэвэрчихээр чинь сандарч байсан ч дотроо дахиад жаахан ингээд зогсох сон гэж хүсэж байсан сан.
Гэхдээ бүсгүйн толгойд ийм бодол харван орж ирэв. Хамгийн сонин нь тэр хүн хэн бэ гэдэгт биш эр хүний халуухан цээжинд тэгж тэврүүлээгүй удсан болохоор түүнд сайхан байсан аж. Тэгээд ч тэр сайн хүн юм чинь гэж тэрээр дотроо өөрийгөө зөвтгөлөө. Түүнийг хүмүүс хараад хатуу хүйтэн сэтгэлтэй эмэгтэй гэцгээнэ. Дотроо тэр хайлж уяраад л, уйлж гуниглаад дэндүү зөөлөн хүн байлаа. Тэрээр хэтэрхий нялцгай байдлаа хүнд харуулахгүй гэхдээ хатуужиж өөрийгөө чангалж байдаг юм. Гэтэл одоо түүний зүрх догдлон булиглаад байлаа. Түүнд хайрлаж явдаг шүү гэсэн үг хүмүүс олныг хэлж байсан. чи бол сайн бүсгүй, чамайг хүмүүс хайрлаж хүндлэхгүй байхын аргагүй гэж хэлдэг. Тэр үгсийн л адил тэр үдэш тэрээр ахиад л тэр үгсийг амнаас нь сонсов. Хайртай байдаг шүү. Хайрлаж явдаг шүү гээд дахин дахин хэлэхэд нь сэтгэлээ харамгүй зориулмаар санагдаж байв.
Сэрээрэй, босоорой гэх ээжийхээ дуунаар дэндүү амттай зүүд нойрноосоо хагацав. Биеийнхээ чилээг гаргаж суниагаад орноосоо босоод цонхоор харж зогсохдоо өчигдөр үдэш орцны үүдэнд буулгаад орон ортол нь харж зогссон баясгалантай царайг эргэн саналаа. Гараараа даллаад л хайртай шүү гэж зогссон таны төрх надад эргэн ирлээ.

БИ & НАВЧ //Өгүүлсэн шүлэг

Намрын навчис одоо л хөл дор хөглөрч байх юм. Шаргалтаж хатсан навчисын алтан шаргал өнгөөр орчлон гоёж байгаа байх даа. Ийн бодсоор гудамжаар алхаж явахдаа нэг таван хошуу шиг хэлбэртэй навчийг сонирхож аваад тэмдэглэлийн дэвтэрийнхээ завсар хийж билээ. Тэрнээс хойш таван намар өнгөрсөн байна. Тэр шар навч яг л хэвээрээ. Бодолд өнжсөн дурсамжууд надад олон ч энэ навчийг олдог тэр өдөр миний хувьд хүний сайхан сэтгэлийг мэдэрсэн, хүнд итгэж, ухаарал олж авсан нандин өдөр байсан. Би энэ навчийг тэр өдөр олж авсан шигээ өөрийгө бас олж авсан.

Хэрэггүй үгний зэвээр зүрхийг минь бүү шархлуул

Надаа нэг дүү байдагийн. Дүүгээ харин сая гомдоочих шиг боллоо. Сэтгэл нэг л сонин байх чинь. Хэрэггүй үгний зэвээр зүрхийг минь бүү шархлуул гэдэг нэг мөрт байдаг даа. Заримдаа бодлогогүй үгээ хэнд ч хамаагүй хэлчих гээд байдаг тал хүнд байдаг шүү дээ. тэрэн шиг л юу ч бодолгүй хэлчихсэн үгэнд минь тэр гомдсон байх юм. Амнаас гарсан үг бүр л бодлоготой байх ёстой гэж үргэлж санадаг хэрнээ л сая буруу үйлдэл хийчих юм даа. Бодож амжаагүй хэлсэн үгэнд минь гомдсон хүн байх юм бол сооориии

Ани Лорак

НҮД /Өгүүлсэн шүлэг/

Харах юмсан гэсэн хүсэл мөрөөдөл минь дийлсэн тэр өглөөг би санаж байна.Ертөнцийн нарыг харах юмсан. Ертөнцийн бүх сайхан зүйлийг харах юмсан. Өмсөж байгаа даашинзаа харах юмсан. Өөрт зохисон үсээ мэдрэх юмсан. Өнгө будгийг олон янзаар нь харах юмсан. өөртөө зориулсан бүх зүйлийг харахсан гэж. Бас Хайрлаж дурласан тэр гэрэлт царайг харах юмсан. Хамгийн ихээр чинийхээ дүрийг харах юмсан гэж маш их хүссэн. Гарт минь мэдрэгдсэн тэр зөөлөн торгомсог арьс, дөнгөж цухуйсан сахлын үзүүр нь хурууны үзүүрт мэдрэгдэхэд би гэдэг хүн чинийхээ дүрийг дотроо төсөөлөн зурж бүхэл бүтэн нэг хүнийг сэтгэлдээ бий болгож билээ. Гараас минь чангахан барьсан чиний гарт би өөрийгөө даатгачихаад хотын гудамжаар юунаас айж эмээхгүйгээр чөлөөтэй гүйж явсан. хөлд торох бөөн бөөн зовлон бэрхшээл саад тотгор ул мөргүй арилж тэр орчныг би дотроосоо сайн харж байсан.
Харин энэ өдөр би чинийхээ эгэл царайг ширтэн сууна. Яг л ийм хүн байгаа даа гэж бодож байсан юм. Миний хүссэн санасан тэр төрх мөн байна шүү дээ. Би өмнө нь хүссэн бүхнээ харж байна. Ертөнцөд байгаа бүхнийг харах гэж байна. Гагцхүү чинийхээ энэ дүрийг ахиад харж чадахгүй болчихоод сууж байна. Амьдралынхаа сүүлчийн мөч хүртэл юу ч хэлээгүй явсан чамд гомдож сууна. Эдгэрэхгүй өвчтэйгээ мэдээд надад хорвоог харах нүдээ үлдээсэн чи минь хагалгаа хийлгээд дөнгөж боолтоо авсан тэр өдөр өөдгүй энэ орчлонгоос үүрд яваад өгчихөж. Өөр би юу ч хүсэхгүй ээ. Өөрт минь харах нүд хайрласан энэ хүнийг хажуудаа байлгахыг хүсэж байна. харах нүд надад байгаа ч Сэтгэлийг минь харанхуй нөмөрч байна. Хайртай гэж хэлсэн өглөө бүрийг минь марталгүй санаж өөрийгөө тэр үгээр тэжээж амьдрах хэрэгтэй гэж хэлсэн шүү дээ чи минь. Би чинийхээ нүдээр орчлонг харж чинийхээ төлөө итгэл дүүрэн амьдарна аа.

БАЯРТАЙ ГЭЖ ХЭЛЭХ ӨДӨР УДАХГҮЙ ИРНЭ

Өдөр би нэг сэтгүүл дээрээс ухаантай эмэгтэй гэж хэнийг хэлэх вэ гэсэн асуултын хариултьг уншлаа. Тэнд эмэгтэй хүн аливаа зүйлийн учир начрыг олохдоо аргыг нь олчихсон, хэнтэй ч сайхан харилцаатай байдаг, боломжийг боломжтой бүх хэлбэрээр нь ашиглаж чаддаг хүнийг хэлнэ гэсэн байна лээ. Гэхдээ тэр бүх арга хэлбэрээ зөвхөн гэр бүлдээ зориулдаг. цаг зав, оюун ухаан нь гэртээ чиглэсэн байх хэрэгтэй аж. Мэдээж хэрэг ажил хийхгүй. тэгж чадаж байна гэмээнэ ухаантай эмэгтэй гэж хэлэгдэх юм байна. Гэтэл би өөрийгөө тэр хүний оронд тавьж үзлээ. Би яг эсрэгээрээ байх гээд яваад байдаг хүн бололтой. Өглөө нэг хүн намайг чи гэрсэг биш юм аа гэж байсан.Би гэтэл гэрээсээ гараад явах дуртай. ажилынхаа өрөөнд гэртээ байгаа юм шиг байхыг хичээж тав тухыг эрхэмлэж байдгийгаа ойлгож байлаа. Хөөрхөн охиноо дотроо санаж байсан ч ажлаа дуусгаагүй бол харина гэж боддоггүй тийм сонин хүн болсоноо ухаарлаа лдаа. Заримдаа новшийн гэмээр залхмаар зүйлүүд өдөр тутам тохиолдож байдаг ч, уур хүрч бухимдаж суудаг ч, нерв ихтэй үед надтай эвгүйхэн харилцчихвал гудиггүйхэн хэрэлдчихээд санаагаа амраачихдаг өдрүүд олон ч тохиолддог ч яагаад юм бүү мэд энэ ажлаасаа салж чадахгүй болчихоод байна. ГЭХДЭЭ БИ НЭГ Л ЗҮЙЛИЙГ САЙН МЭДЭРЧ БАЙНА. НАР ГАРНА АА НЯМАА, ГЭЖ ХЭН НЭГЭН НЬ ХЭЛСЭН ШИГ, БАЯРТАЙ ХУУЧИН АЖИЛ МИНЬ ГЭЖ ХЭЛЭХ ӨДӨР УДАХГҮЙ ИРНЭ ГЭЖ ИТГЭДЭГ.

Stevie Wonder - I Just Called To Say I Love You

ЭХИЙН СЭТГЭЛ КИНОНЫ ДУУНЫ ҮГ

Хэрвээ чи өөрийн зүрх сэтгэлийг сонсож амьдарвал
Мөнгөнөөс илүү үнэт зүйл тэнд чинь байгааг мэдэх болно
Хайр, жүжиг тэр бүхний аль аль нь чухал биш
Хэрэв чи өдөр бүр зүрх сэтгэлийнхээ юу хэлж байгааг сонсох юм бол
Уйлахаас илүү инээх зүйл тэнд чинь олон байгааг мэдэх болно
Энэ бол чиний хийсэн, хийж чадах зүйл
Чиний үүрэг хариуцлага
Шөнийн тэнгэрийн бараан үүл арилж өглөө болдог шиг
ШИНЭ ӨДӨР ИРНЭ.

Нэргүй шүлэг нэтэд байхаар нь оруулчлаа.

Нүднээс минь гарах нулимсыг зүрхэндээ тусгаж аргаддаг үр минь
Нүүрэнд минь тодрох гунигийг сэтгэлдээ тусгаж эмтэрдэг хүү минь
Нэгэн хэмнэлээр надтай хамт гуньж баярладаг болохоор чинь
Нууцхан мэгшиж гаднаа би дандаа инээдэг болсон шүү

Амьдрал үргэлжилсээр, харин бид ажилласаар л байна.

Он цагийн эргэлтэнд олон ч хүнтэй танилцаж, их ч зүйл сурч мэдэж явна. Сайнтай ч муутай ч энэ орчлонд санахын аргагүй, бас санахааргүй тийм учралууд надад олон тохиолдож байсан. Хүн ер нь бартаа бэрхшээл тохиох бүрийд зөвхөн өөрийгөө сонсох нь хамгийн зөв алхам юм шиг ээ. Саяхан нэг хүний бичсэн дурсамжийг уншлаа. Тэр хамгийн сүүлд нь "Намд мөнхийн сайн найз, бас мөнхийн дайсан гэж үгүй" хэмээн бичсэн байна лээ. үүнийг уншаад би гэнэтхэн сэтгэлээр унасанаа бодохоор инээд ч хүрэх шиг. Гэхдээ хүн хүний гишгэх зам, хүрэх газар өөр шүү дээ.

ДОРОЙ БҮРГЭД САЙН ДУРААРАА ТАХИА БОЛДОГ

Би өнөөдөр мэссэнжэрийнхээ статус дээр ингэж бичсэн юм. "Аз, амжилт үргэлж надтай хамт :)" гэж. Зарим нэг нь амжилтанд хүрээ юу, ямар аз тохиогоов гээд л асууцгаана. Өмнө минь ирсэн үйл бүхэн миний хувьд аз, амжилт байхыг хүсэж байгаа. тиймээс би ингэж аз амжилтыг дуудаж байгаан. Тэр над руу намайг чиглээд ирнэ гэж итгэдэг хэмээн хариулаад л. Тэгэхэд зарим нэг нь хий хоосон мөрөөдөл, бодит ертөнцийг хараач гэх. гэхдээ энэ бол тэдний л бодол шүү дээ. бодох тусам хүсэл биелж, санах бүрт сайхан учрал өмнө минь ирсээр байдаг. За тэр ч яахав. үг олдож үхэр холдох нь гэдэг билүү. Гол зүйлдээ орьё.
Би саяхан "Дорой бүргэд сайн дураараа тахиа болдог" гэсэн Мерил Дугласын номыг уншиж эхэлсэн юм. Хаанаас нь ч уншиж болохоор энэ ном харин ч их аятайхан санагдсан. Утга агуулга нь ч хүн бүрийн мэдэхийг хүсдэг, ойлгож авахыг хүсдэг сэдэв. Жишээ нь Хойрго, хойшлуулдаг зангаа яаж засах вэ, санаж сэдсэн ажлыг яаж хийвэл дээр вэ, Уйтгартай ажлаа яаж сайжруулах вэ гэх мэт олон сэдэвтэй. Ер нь бол дараах жагсаалтыг харахад болох юм.
энэ жагсаалтыг надад уг номыг уншсан хүн өгсөн. Товч тодорхой дажгүй санагдсан учраас цаг хэмнэх үүднээс та бүхэнд хүргэж байна.