САР ШИНЭДЭЭ САЙХАН ШИНЭЛЭЭРЭЙ

Биеэ бодоорой...

Удахгүй би амьдралдаа анх удаа эмнэлэгт хэвтэх байхаа. хэ хэ. Гэхдээ бүр бага байхдаа нэг удаа хэвтэж байсан гэж хэлдэг ч би тэрийгээ ер санадаггүй юм. Харин ийм том болсон хойноо насанд хүрсэн хойноо анх удаа юм. Эмнэлэгт хэвтэх гэж баярласандаа үүнийг бичсэнгүй ээ. Болдогсон бол хэвтмээргүй байна. Гэвч эд бараа хүртэл элэгдэлд орж мууддаг шүү дээ. Би зүгээр л өөрийгөө хайрлаагүй байх. Тэгээд л ядарч сульдаад гэх юм уу толгой маань таллаж өвдөөд байх болж. эмч хэлэхдээ амарч сувилуулаад ав гэсэн болохоор очиж байгаагүй газартаа очихоор болсон юм.

АЯЛГУУ

Сэтгэлийн сайхан үнсэлтийг илгээе

Сая л нэг юм шинэ оны эхнийхээ бичлэгийг хийх зав гарлаа хө. Шинэ ондоо та бүхэн од хийморьтой, амжилт бүтээлээр дүүрэн байгарай. Будран орох цасхан шиг гэгээхэн, буцааж боломгүй гэрэлт дурсамжууд шиг нандин тийм л өдрүүдийг бас энэ ондоо бий болгоорой. Өөрийн гараар хийсэн хоол амттай байдаг шиг өөрийн зүрх сэтгэлээр бүтээсэн босгосон амьдрал дэндүү амттай сайхан.

Сайхан сэтгэлээр бүхнийг давах хүч танд бий.

Хүн өөрийнхөө байгаадаа сэтгэл хангалуун амьдарч, ирээдүйд тохиолдох сайхан зүйлийг хүлээж, дотроосоо гэрэлтэж чадвал бурхан түүнд хайр хишгээ харамгүй хайрлаж, илүү сайхан зүйл өгнө гэдэгт итгэх хэрэгтэй. Үр дүн:
Эргэн тойрны хүмүүс таныг хүндэлж дотно нөхөрлөхийг хүсч байдаг. Энэ нь таны сайхан сэтгэлийн хариу. Тиймээс та дотроо сайхан зүйл хүсч мөрөөдөн бусдад хар буруу саналгүй, уучилж нигүүлсэх, ухаантай амьдарч чадвал амьдрал аяндаа сайхан болно гэдэгт итгээрэй.

Я СПРОСИЛ У ЯСЕНЯ из к/ф "Ирония Судьбы... "1975г

"Журавли" Дмитрий Хворостовский

.... Нэтээс ....

Навчисаа нємєрсєн модод шиг зуу зуун бvсгvй
Намар намрын гуниг тээн цонхон дээрээ зогсож байгаа
Над шиг залуус мянга мянгаараа хайр євєртлєєд
Намар дууссан гэж шивнэсээр очиж яваа

Энэ ханиад уу...

Охин маань бараг 5 хоног өвдөөд нойр дутуу явахад хүн гэдэг үнэхээр тархи нь амардаггүй юм байна хө. Толгой маань нэг л хүнийх юм шиг аашлаад баригдаж өгөхгүй байх шиг. хэхэ. ядарч явахад бас асуудал зөндөө гараад л... Халдварт өвчин, ханиад гээд хүнийг улам л шаналгах асуудал их л байх юм.

THANKS FOR YOU

Энэ цаг үед гээд л хөгшчүүл ярьдагсан. Харин би бас тэгж яримаар байх чинь. 20 гаруй жилийн өмнө бол хол газар байгаа найз нөхөддөө, ар гар, амраг садантайгаа холбоо барих амаргүй байсан даа. одоо бол өөр шүү. хэдэн улс орон алгасан хол байгаа хэнтэй ч хормын төдий холбогдож байдаг.

Амар ажил гэж хаа байхав дээ.

Ямар нэг зүйлийг бодохгүйгээр хийчихдэг бол амарсан. гэхдээ амар зүйлийг хайсангүй. Ойрдоо гараас минь ажил гарахаа болиод байх болж дээ. эхэлсэн ажлаа дуусгахсан гэж маш их, маш ихээр хүсэж байна. Надад туслаач гэж хэнд хэлэх үү. Үнэнийг хэлэхэд хийж байгаа ажилаасаа бүр залхаж байна. Энэ түүхийг хурдхан бичээд дуусахсан.

НАЙЗДАА

Бороонд шүхэр бариад алхсан бүсгүйн
Богино даашинзных нь хормой дэрвэжээ.
Бодлогоширсон харцанд нь хайр нуугджээ
Бодвол болзоонд л яарч яваа байх.

өглөө ирээд найзынхаа мэсэнжэрийн аваторыг харжэээ суусан чинь энэ 4 мөрт орж ирэв. Яг л найз бүсгүй шиг мааннь харагдаж, бодогдож, санагдаж, төсөөлөгдсөн зураг байсан болохоор үүнийг 4 хөн мөрт ч гэсэн найздаа зориуллаа. Үргэлж хайраар дүүрэн аз жаргалтай амьдраарай гэж найздаа ерөөчихье. ...

Алаг үрээ дараа ир гэж үрийн заяаг бүү хуур

Яаж чи өөрчлөв өө...

Хамгийн...

Хамгийн хортой зуршил-Санаа зовох,
Хамгийн сайхан баяр-хүнд баяр хөөр өгөх,
Хамгийн хоосролт-Өөрийгөө хүндлэх сэтгэлээ алдах,
Хамгийн сэтгэл ханамжтай ажил-Бусдад туслах,
Хамгийн том асуудал(амжилтанд хүрэхэд)-Айдас,
Хамгийн хүчтэй нойрны эм-Оюун санааны амгалан байдал,
Хамгийн их хүч-Хайр,

7 жилийн өмнө бичжээ

Салхи исгэрэн чамдаан би очноо
Саваагүйтэж уруул дээр чинь үнсэнэ
Сандрах хэрэггүй ээ хайрт минь
Санасан сэтгэлийн минь илрэл юм шүү

Бодол санаа -"Secret"

Шууд хэлэхэд хэрвээ Та илүүдэл жинтэйдээ шаналж явдаг бол, ухамсарласан бай, үгүй бай, ямар боловч тархинд чинь "БҮДҮҮН, БҮДҮҮН БОДОЛ САНААНУУД" байдаг гэсэн үг. Харин гоолиг, галбир сайтай бодол санаатай хүмүүс хэзээ ч бүдүүн байдаггүй юм. Учир нь өөрөө таталцлын хуулийг зөрчсөн хэрэг болох ажээ.

Secret...

ТА ӨНГӨРСНИЙХӨӨ УЛ МӨР БИШ

Жек Кэнфилд

Олон хүн өөрийгөө тухайн нөхцөл байдлын золиос болсон гэж үзээд ямагт өнгөрсөн үе рүүгээ толгой сэгсэрч харагддаг. Жишээ нь хатуу ширүүн эцгийн гарын шүүс болж өссөн, эсвэл ядуу дорой, байнгын хэрүүл тэмцэлтэй айлд төрсөн гээд л. Олонх сэтгэлзүйчид гэр бүлийн 85 хувь нь даржин амьдралтай гэж тогтоожээ. Тэгэхээр, та энэ тал дээр бас ч гэж ганцаараа биш байгаа биз.

Secret

Secret ...

ХАРИЛЦААНЫ НУУЦ
Мари Даймонд
ФЭН-ШҮГИЙН ЗӨВЛӨГЧ, БАГШ, ЛЕКТОР

Хэрвээ та амьдралдаа ямар нэг юм татахыг хүсч байгаа бол таны үйл ажил хүсэл мөрөөдөлтэй чинь зөрчилдөхгүй байх тал дээр анхаарлаа хандуул. "Нууц" киноны зураг авалтад оролцсон олон багш номлогчдын нэг Майк Дули "Ертөнцийг удирдахуй, гайхамшигийг бүтээхүй" нэртэй аудио хичээлдээ тэрхүү сэтгэл хөдөлгөм жишээнээсээ нэгийг оруулжээ.
Арван хуруу тэгш сайхан залууг амьдралдаа урин дуудахыг хүссэн нэгэн хүүхний тухай түүхийг өгүүлжээ.

"Secret" номоос..

МӨНГӨНИЙ НУУЦ

Өөртөө аль болох их мөнгө татахын тулд эд мөнгөний тухай өөдрөг бодлыг тээж, эерэг долгионыг бүтээх нь чухал. Эд юмсын гачигдалд байдаг хүмүүс материаллаг амьдралдаа төдий л сэтгэл ханамжгүй байдаг нь ойлгомжтой. Гэхдэ энэ сөрөг мэдрэмж л бид хүү ирэх мөнгөний урсгалд саад тотгор болдог юм.

Hi

Амьдрал тэр чигтээ асуултаар дүүрэн

Амарсан ч юм шиг, ажилласан ч юм шиг сонин зун байлаа. Хүний амьдралын эрч хүч чухамд юунд байдаг юм бол... Их ажлын дараа амарч, их амралтын дараа ажиллаж, боломж бололцоогоороо ирээдүй өөд их оргил руу тэмүүлж амьдрахад байдаг юм болов уу. Хэн ч санасан хүн бүр л амьдралынхаа сайн сайхан ирээдүйг төсөөлж, мөрөөдөж явдаг. Гэхдээ зориглож тэмцдэг, зорьж хүрдэг хүмүүс нь хэд бол... Ингээд дахиад нэг асуулт???

Дуулахсан

Дуулахсан, хол оо явсан найзыгаа санан санан дуулахсан
Хорь хүрээгүй насны дурлалаа бодон бодон дуулахсан
Хоолой хүрэхгүй байсан ч яах вэ талын салхийг даван даван дуулахсан
Хорьж чадаагүй сэтгэлээ аргадан аргадан дуулахсан

Хамрын хийд, Энергийн төв, Хүслийн уул

Хамрын хийд

Их ажлын ард гарсны дараа

Миний Монгол

Миний мэссэнжэрт нэг ийм шүлэг ирсэн юм. Монголоо гэсэн сэтгэлтэй хүн бүхэнд зориулмаар санагдав.

Хүний нутгийн жавар жиндүү юм аа
Хүслээр болдоггүй хорвоо хатуу юм аа
Санахын жаргал гэдэг дэндүү юм аа
Сар өдрийг тоолох нь удаан юм аа
Саранд би хүслээ шивнэлээ

Өөртөө анхаарал тавьдаг хүн бүхэнд зориулав.

Охин үрээ хайрла!

Зохиогч Б.Энхтуяа
Охин үрээ хайрла!
Омогдож загнахдаа ч хайрла!
Охин үрээ хайрла!
Ойворгон зэмлэхдээ ч хайрла!
Нар ханын толгойд буухад хааяа нэг сэрэг, бүү зэмлэ

Миний амьдралын түшиг тулгуур бол миний өнгөрсөн амьдрал билээ.

Ардчилсан Ерөнхийлөгч

Дөнгөж саяхан Цахиагийн Элбэгдорж Ардчилсан намаас Монгол Улсын Ерөнхийлөгчид нэр дэвших эрхээ намынхаа нөхдөөс авсан байна. Монгол Улс одоо Ардчилсан Ерөнхийлөгчтэй болох цаг нэгэнт болсон шүү дээ. Сүүлийн 12 жил коммунист ерөнхийлөгчийн гарыг харж, буруу замаар будаа тээсээр ирлээ. Одоо дуусгах цаг нь болсон шүү дээ.

Хавар болжээ. нэг л сайхан. Хаашаа ч харсан хувцасаа нимгэлсэн залуус. Хараад байхнээ сэтгэлдээ бас нимгэрсэн мэт инээмсэглэл тодруулцгаан алхана. Бяцхан хүүхдүүд дураараа гүйлдэн, хөгшид энд тэнд нарлацгаах харагдана. сайхан юм аа. хавар гэдэг.

Хүн чанар надад үлдээ болов уу...

За өөртөө зориулж нээсэн блогоо ойрд эргэсэнгүй. Дэвтэртээ нэг салхи оруулдаг юмуу гэж бодоод сууж байна даа. Өнгөрсөн хугацаанд ажил гэж явсаар байгаад хамаг байдгаа хаясан байна. үнэндээ өөрөө өөртөө дааж давшгүй ажил өгчихөөд л босож чадахгүй явсан байх юм да. За энэ ч яахав.

ЦЭЦГЭН ЭРХИ

Б.Лхагвасүрэн
Үнэхээр сайхан шүлэг. даанч видеогоор нь оруулж чадахгүй юм. Би сонсоод уйлсан. та бүхэн заавал О.Анандын уншсанаар сонсоорой. энэ хаягаар- http://blog.banjig.net/b/post.php?blog_id=6067&post_id=51528/

Би

Би Монгол эмэгтэй хүн. Монгол эх орондоо хайртай. Монголчуудынхаа иддэг хоол хүнсэнд дуртай. Монгол хүмүүсээрээ бахархаж явдаг. Би эгэл жирийн монгол бүсгүй. Надад өөр илүү дутуу бодол хүсэл, санал сэтгэгдэл гэж байхгүй. гадаад дотоод явж нутаг уснаасаа зугатаах хүсэл үгүй.

Сайн байна уу 2009 он

Сайн байна уу 2009 он. Тун удахгүй тодруулбал 30 минутын дараа шинэ он гарах гэж байна. Өнгөрсөн 2008 он миний хувьд их ажил бүтээлийн жил байлаа. 3-ийн 3 сонгуулийг өнгөрөөлөө. энэ бүхнээс их ч юм сурч авсан. Олон сайхан гэрэл, гэгээтэй үгстэй мэндчилгээ утсанд мэссэнжэрт минь ирсээр байна. энэ онд надтай хамт байсан найзууддаа, бүх дотны хүмүүстээ энэ хорвоогийн хамгийн сайн сайхан бүхнийг хүсэн ерөөе. Шинэ ондоо ажил амьдрал тань жаргалтай, бүтэмжтэй байх болтугай. Зорисондоо заавал хүрээрэй. Санаснаа заавал аваарай. Итгэлийг минь битгийн алдаарай. Эргээд би та бүхэндээ өөртөө байгаа цорын ганц баялаг сайхан сэтгэлээ зориулах болно. Тийм шүү дээ найз нь сэтгэлээрээ баян хүн. За Хайртай шүү. Үнсье.Аз жаргал хүсье.

Би жаргалтай хүн

Би үнэхээр сайхан аялгуу сонсоод сууж байна. Сэтгэл нэг л тайвшраад намайг бодолд автуулчихлаа. Нүдээ аниад амьдралынхаа хамгийн сайхан бүхнийг бодоод би сууж байна. Эргэж ирэхгүй цаг хугацаа, аз жаргалтай дурсамжууд намайг, зүрх сэтгэлийг минь жаргааж байна. Би сэтгэлээрээ, бүхий л бие цогцосоороо аз жаргалыг мэдэрч байна. Гэрэл гэгээг мэдэрч байна.

Goe shuleg bna, /netees/

Бүсгүй минь чи эрчүүдийн өмнө ихэмсэг орш
Бүрэг ичэмхий авч өндөрөөс өндөр оргил шиг
Бүр гималайн уулсаасч өндөрөөр төсөөлөгд
Хаврийн салхи шиг хүчтэй салхи л барьж чадахгүй чамайг
Хайрийн цас шиг цав цагаан өнгөлөг бай хайлах хэрэггүй чи

Бодол

Нар байшингийн цаагуур орохыг харж жаал зогслоо. Бодох зүйл үнэхээр их. Даанч бодож, төлөвлөж суух цаг зав олдохгүй байлаа. тэгээд юу бодсоноо нэг буулгаадхая гэж саналаа. Нэг хэсэг ухаангүй хүн явсан байх. Оюун санаагаа төвлөрүүлж чадахгүй, нэг л их хийссэн хүн байх юм. Харин одоо энэ байдлаа цэглэх цаг болжээ. Өөртөө байгаа хүчээ гаргах хэрэгтэй гэж бодлоо. уг нь бол өөрийгөө дайчлаад зүтгэвэл хийдэг л байсан. Юу нь болохгүй болсон юм бүү мэд. Сүүлийн үед сэтгэл санаа тогтворгүй болчоод тэгээ юм болуу. надад нэг санаа байхын. уг нь тэрнийгээ зориод хийвэл би хийдэг л юм. хүмүүс өөрийгөө юу хүсэж байгааг сонс л гэхийн. тэгсэн хэрнээ чиний хийх гэж байгаа чинь буруу л гэхийн би бүр ухааныг нь ойлгохоо байгаад байна. гэхдээ яг вэ гэдгээ одоохондоо хэлэхээ болье. Магадгүй бүтэхээр нь тэртэй тэргүй мэдэх л болох байх. юуны түрүүнд урагшаа зорьж эхэлсэн ажлаа дуусгаадхая. Тэгсэн цагт болох байх гэж санжийна.
Хүнд мэдлэг боловсрол, ялангуяа мэдээлэл их хэрэгтэй дэ. бид мэдээлэлгүйгээр хаа ч явж чадахгүй. харанхуй траншейнд сууж байгтай адил. Нэг хэсэг би сонинд ажиллаж үзлээ. өдөр болгон л шинэ мэдээлэл, сайхан мэдээ ч байна, сэтгэл өвдөм аймаар мэдээ ч бий. тийм үед амьдрал гэж буцлаад , ... Үйл явдал өрнөөд л... сайхан байж дээ. тэгээд хэсэг хугацааны дараа ажлаасаа гарсан чинь ёстой л нөгөө хөмөрсөн тогоонд байгаа мэт л бүх юм таг чиг. эргэн тойронд юу болоод байгаа юм бүү мэд. нэг бодлын сэтгэл амар. нөгөө санахын харанхуй хонгил. амьдрал минь зогсчихсон юм шиг. үг яриа ч багасаж, мэддэг юм ч алга болов. дэмий л хүмүүсийн яриаг чагнахаас цаашгүй. Тэгээд нэг хэсэг явлаа. удалгүй бас өөр нэг ажилд орсон нь өөрөө мэдээлэл хайх биш, хүмүүст мэдээлэл түгээх тэдэнд мэддэг зүйлээ ярих ажил бйав. би гэдэг хүн өөрийгөө цэнэглэх гэж их л хичээлээ. Гэвч цэнэглэсэн ч юм алга. жаахан л ажлын туршлага суусан байх. Бодоод байхад хүн гэдэг өөрөө мэдлэгтэй бйаж хүнд мэдээлэл өгөх л хэрэгтэй байдаг байхгүй юу. тэгсэн маньд тийм юм алга. За за нэг иймэрхүү л юм бодож суулаа. өөрийгөө голон голон суусан намайг тэнгэр ивээг.

Зүрх өвдсөн байна.

Урьд шөнө нэлээн тааруухан амарлаа. Зүүд юм уу гэхээр үгүй ч юм шиг. Зүрх өвдсөн бололтой. Хэдийгээр би унтаж байгаа ч бие минь амраагүй, зүрх минь илүү ихээр өвдсөн байж. Өглөө сэрэхэд толгой хөшиж, биеэ даалгүй өндийж ч чаддаггүй. Тэгэхээр нь би ингэж бодлоо. "Хөөрхий дөө миний муу зүрх миний төлөө өвдөж, шаналж байхад би гэж хүн унтаж л байдаг. таарч дээ" гэж. хэрвээ тавгүй унтаж байхаар босоод зүрхээ тайтгаруулаад ганц аяга бүлээн цай ууж болох л байсан байх. тэгвэл эргээд хэвтэхдээ тайван гэгч нь амрах байсан байх даа.

Any

Сайн уу?

Сайн байцгаана уу?

Зуны дэлгэр цаг. Би амарч амарч эргээд ажилдаа орж байна. нэг сайхан амраад, толгойгоо сэргээгээд авсан юм чинь одоо ажиллах юухан байх билээ. Залуу хүн юм чинь ажиллаад байдаг хэргээ хө.

Дахин ирэхгүй он жилүүдээр андгайлая

Уйлж байна нулимс урсаад л
Гуйж суудаг бурхдаас чамайгаа
Дуулж би сэтгэлээ тайтгаруулаад
Дуулим хорвоог туучиж л явна даа,
Дассан сэтгэлдээ гуниг хурааж
Даварсан мөрөөдөлдөө зэмлэл хүртээж
Дарстай лонхонд хоног өнгөрөөж
Дандаа л би чамайг бодох юм...
Дахин ирэхгүй он жилүүдээр андгайлая"
Ахин би чамтай уулзвал
Атгасан гараа тавихгүйг амлая"

Хөх тэнгэр бас энэ шаазгай хоёр гоё харагдаж байгаа биз

10-н жилийнхний 10 жилийн дараах уулзалт

Бид хоёр амарч яваа нь

Хүний зүрхийг үгээр дулаацуулдаг.

Нэтэд нэг ийм шүлэг байна. үнэхээр гоё юм аа.
Сэтгэлд минь дулаахан хайр байдаг
Сэмэлчихвий гэж єрєєл бусдаас айдаг
Сэтгэлд минь зєєлєн гуниг байдаг
Сэдэрчихвий гэж єєрийн ганцаардалаас айдагаа

Нууцхан дасаж сэтгэлээ нээсэн хайрын хорвоо
Нулимсанд хахаж дvvрсэн хагацлын хорвоо
Дахиад уулзах vгvйг мэдэхгvй айдсын хорвоо
Даржин сэтгэлдээ чамайгаа хvлээх итгэлийн хорвоо
Алагхан зvрхэнд минь амьдрал нь багтах завгvй хорвоо
Арван сарыг нулимстай vдсэн vгvйрлийн хорвоо

Зєєлєн зєєлєн vлээх намрын хонгор салхи шиг
Зvрхэнд хайрын шуурга болон ирээч
Хосгvй vнэн хайрын шуурга шvтээн
Хорвоод мєнх дурлалын бурхан
Хонгор чамдаа би хайртай

Надад хайр єгєєч гэж гуйхгvй гэж хvмvvс ярьдаг
Намайг хайрлах хэрэггvй ч гэж зарим нь хэлдэг
Yнэн хэрэгтэй бvгд л хvсэж байдаг
Yгээрээ харин худлаа хэлээд шаналаж байдаг
Харин найз нь тэгж чадахгvйнээ
Хамгаас хайртай хvндээ худлаа хэлж чадахгvй
Хайртай би чамдаа нуугаад байж чадахгvй
Хариуд нь бас хайр гуйж байна чамаасаа
Бурхан хэрвээ тэрийг мэддэг бол би мєргєе
Бум тvм живаа удаа мєргєе, залбиръя
Чамтай хамт байхыг би хvсэж байна мєрєєдєж байна
Чамлалтай хэдхэн насандаа хамтдаа байхыг гуйж байна
Бvлээ зvрхээ сонсоод над руу нэг хараач
Бvтэлгvй амьтан ч гэлээ харамлалгvй хайраа єгєєч
Хариуд нь би чамдаа ганцхан л зvйлийг амлая
Хан ертєнцєд хэнээс ч, бас єєрєєсєє ч илvv чамайгаа л хайрлая

Харамлаж хардах тэнэг гэж хvмvvс ярьдаг
Харин vнэндээ бvгд л тэгдэг
Yгээ бас л худлаа хэлцгээдэг
Yнэнч байж итгэж байж хайрладаг гэдэг
Мэдэхгvй юмдаа тvvнийг нь vзээгvй болохоор
Мэдэмхийрч олон юм ярьж чадахгvй нь
Чамайг харин харамлаж байгаа мэдэж байна
Чухам хэнтэй гэдгээ мэдэхгvй ч хардаж байна
Хvмvvсийн хэлдгээр итгэх юмсан чамдаа
Хэзээ ч дахиж хардаж шаналахгvй юмсан
Хэрвээ чи наддаа нэг л удаа амлавал
Хэдий хол байлаа ч чамдаа итгэнэ бас vнэнч байна...

Ким Сон сү

Н.Анужин

Болор

Блогныхоо нэрийг би яагаад ингэж өгсөнөө гэнэтхэн саналаа. "Болор" гэж нэр шигээ болор тунгалаг харцтай дөлгөөхөн бор залуу. Миний сайн найз байсан. Энэ нэр миний сэтгэлд их дотно сонсогддог. Бид хоёрын нөхөрлөл их сонин байж билээ. Танилцаад удсан ч уулзсан тоо нь даанч цөөхөн. Нэг уулзаад салахдаа дараа хэзээ уулзахаа ч асуудаггүй. Асуух ч шаардлагагүй байдаг байлаа. Яагаад гэвэл хэзээ уулзахаа хэн хэн нь мэддэггүй байж билээ. Өнөөдрийг хүртэл би түүнийг хааяахан дурсаж, хэзээ нэг өдөр тааралдах байх даа хэмээн бодсоор л байдаг. хамгийн сүүлд хоёр жилийн өмнө зун намайг эзгүйд ирээд асуугаад явсан байсансан. Түүнээс хойш үнэхээр сураггүй. Бидэнд үлдсэн дурсамж дэндүү гэгээлэг, нэр шигээ болорхон тунгалаг.

weekend TV сэтгүүлд хайрын тухай ингэж бичжээ.

Хуурамч хайр, жинхэнэ хайр, ариун хайр, азгүй хайр, ашиглуулсан хайр, хожимдсон хайр, унаган хайр .... хорвоод олон янзын хайр, учрал хүнийг угтан хүлээж үдэнмордуулдаг нь жам. Гагцхүү учирсан зүрхээ хорьж ядан тэмүүлдэг нь хүмүүний ёсон. Хууртагдсан хэрнээ хайрлаад л явна. Хуучирсан гэхнээ шинэ шигээ догдолно. Азгүйтсэн хэрнээ найдан хүлээнэ. Ашиглуулсан гэхнээ үгүй шиг сэтгэнэ. Хайр гэдэг агуу уучлал, агуу итгэл, агуу сэтгэл юм гээч.

Нэтэд нэг дажгүй шүлэг байна.

Уйтгар гунигтай ийм цаг мөч нулимс нэхэн надад ирлээ
Уйлаад л баймаар сэтгэл ивэлнэ... даанч ил нулимс гарахгүй
Ганцхан олддог энэ амьдралд жаргал надад хэдэнтээ ирэх вэ
Ганц юм асууя миний зовлон хэзээ дуусах вэ
Эргэн тойрон нулимс харуусал гуниг уйтгар байхад
Энд хаана нь жаргал байнаа алив надад үзүүлээд ав

Цаснаар төрсөн бодол

Цаснаар бодол хөвөн алхах дуртай. Дулаахан байдаг. Цастай хамт шинэ санаа, шинэ бодол ирдэг. Хэдхэн хоногийн өмнө бас л ингэж цас хаялахад би сүүлчийн цас байна хэмээн бодсон. Үгүй ажээ. Том том цас хаялж, хацар нүүргүй үнслэн байхад үүлэн чөлөөгөөр хаврын илч муутайхан нар жуумалзах төдий цухуйх тэр агшинд надад өөрийн эрхгүй ингэж бодогдож билээ. "Зоргоороо тусахгүй нар, зориод ч хүрч очихгүй "дов" гэж бас байх юм даа" хэмээн бодсон. Үгүй гэж үү?

Дуулахсан

Хөх торгон дээлийн хээ нь бүдгэртэл
Хөхүүрийн амсраар өндөлзөж айраг шуугитал
Хөндлөн гулд талын минь зэрэглээ нь согтож унатал
Хэн нэгнийг бодоод өөрийгөө марттал дуулахсан
Газрын судас тэмтэрсэн морьд үүрсэн янцгаатал
Гантиг цагаан өргөө үлгэрийн юм шиг үүргэлтэл
Гэрээсээ нэгэнт явчихсан эмээгээ эргээд иртэл
Хэн нэгнийг бодоод өөрийгөө марттал дуулахсан
Бүтэхгүй бүхний өмнө нугарч унахгүй
Бүүр өндөр ургасан өвс шиг
Хэн ч очоогүй онгон талд
Хэн нэгнийг бодоод өөрийгөө марттал дуулахсан
www.biirbeh.com-оос оллоо.

Би болчихсон

Нэтээс би ийм шүлэг оллоо. Дажгүй л юм. Надад талаагдав.

[ 2008-04-21 ]
Өвөл болж ус хөлдөхөд
Хүйтэнд тэврэн дулаацуулна гэчихээд
Өвөртлөхгүй намайг дааруулаад байхаар нь
Хөлдөөд, хайлаад би нуур болчихсон

Намар болж орхиж нисчихээд
Нуурандаа буцаад ирнэ гэчихээд
Удаад намайг хүлээлгээд байхаар нь
Ууршаад би бороо болчихсон

Бүрхэг өдөр бороо асгарахад
Шүхэр доор хамтдаа зогсоно гэчихээд
Бороо зогстол ирэхгүй болохоор нь
Шаргал наранд би солонго болчихсон

Долоон өнгө тодорсон солонго гарахад
Хоёулаа цугтаа бүхнийг эхлэнэ гэчихээд
Дуугарсан үгэндээ эзэн болохгүй болохоор нь
Хагацаад би дурсамж болчихсон

Б. Амарсанаа

Хаврын тэнгэр олон ааштай.

Хавар… би түүнийг цав цагаан, цайвар ногоон, ягаахан өнгөөр будаж, намуухан зөөлөн салхиар үлээж, хурц биш шаргалхан нараар ээж, зүрх сэтгэлд минь уянгын дуу аялахад дуртай байдаг. Миний хүслийг сонссон юм шиг хавар заримдаа гэгэлгэн бүсгүй намайг баярлуулдагсан. Өчигдөрхөн энэ хаврын сүүлчийн цас зөөлхөн хэрнээ цаанаа л нэг уянгатай хаялж, тогтуухан байсан сэтгэлийн утсыг хөндөөд орхиж билээ. Таксины цонхыг онгойлгоод сэрүүхэн атлаа чийглэг агаараар амьсгалж явсан би тэрүүхэн үедээ ямар их аз жаргалтай байсныг хэн ч мэдээгүй л дээ. Мэдээд ч яах юм билээ. Түүнийг минь хэн нэгэн мэдчихвэл миний тэр мэдэрсэн амт алга болчих юм шиг санагдаж билээ.
Хорвоо гэж сонин шүү. Хаврын тэнгэр олон ааштай. Улаан шороо шуурч байсан ч, хүйтэн салхи үлээж байсан ч урин хавар хүмүүний сэтгэлд гэгээлэг бодол үлдээж л байдаг. Энэ үед хэн нэгний сэтгэл хайр гийх шиг, хэн нэгэнтэй болзмоор ч юм шиг зүггүй зандаа хөдөлнө. Харин хэнтэй гэж…
Тийм ээ, залуус аа! Чиний зүрх сэтгэлд хайр гэрэлтсэн бол чи хорвоо дэлхийг дэндүү гоё өнгөөр харж байгаа. Энхрий бяцхан хүүхдүүд эгдүү хүргэж, элгэмсэг танхил бүсгүйчүүд хөөрхөн санагдаж, энэ ертөнцийн бүх л зүйл гэрэлтэн гийж байгаа. Тийм харц ч бас цовоо сэргэлэн байгаа. Их хотын унаган хүүхэд надад ингэж л санагддаг. Өндөр өндөр уулсыг би мэдэхгүй, өргөн их талыг би хараагүй ч сэтгэл доторхи тэр агуу ертөнцийг би мэдэрдэг, түүнийг ойлгохын дээдээр ойлгодог гэж боддог.

БҮСГҮЙ ХҮНТЭЙ БОЛОХООР ДЭЛХИЙ БҮТЭН БАЙДАГ

Хаврын налгар сайхан өдөр байна. Хүмүүсийн сэтгэл тэнийж, нүүрэндээ инээмсэглэл тодруулан алхаж явна. Хаашаа ч харсан өнгөлөг гэгээлэг залуус. Хувцасаа нимгэлж урам зоригтой алхах хүмүүс хаа сайгүй. Энэ бол өнөөдрийн өнгө төрх. Амьдралынхаа нэг өдрийг ч гэсэн сайхнаар харах жаргалтай. Тиймдээ хүн гэдэг сэтгэлээрээ амьтан. Ялангуяа эмэгтэй хүний хамгийн чухал нандин зүйл бол СЭТГЭЛ байдаг. Сэтгэлд өчүүхэн төдий хир халдах сэв суух л юм бол тэд шаналж эхэлдэг. Энэ нь тэдэнд байгалиас заяасан төрөлх зан чанар байдаг. Магадгүй нэг танилын маань хэлсэн тэр үг үнэн байж ч болох юм. Уншигч та юу гэж бодох юм. Тэр хэлэхдээ “Эмэгтэй хүн сэтгэлээ алдаж, эрэгтэй хүн биеэ алддаг” гэсэн. Үнэнийг хэлэхэд эмэгтэй хүн сэтгэлээрээ баян явдаг юм. Бас тэр сэтгэлдээ маш харам. Ийм л хүмүүс энэ орчлонгийн хатууг зөөллөж амьдарцгаах аж. Харин тэдний энэ сэтгэлийг ойлгох ухаан эрэгтэй хүмүүст дутаж байдаг нь худал биш ээ.
БҮСГҮЙ ХҮНИЙ ДЭРГЭД ЭРЧҮҮД УЯХАН БАЙДАГ
БҮСГҮЙ ХҮНТЭЙ БОЛОХООР ДЭЛХИЙ БҮТЭН БАЙДАГ
Бүсгүй хүний энхрий ялдам байдал, хайр сэтгэлдээ үнэнч байх гэсэн тэмүүлэл, бас тэр хэвээр нь үүрд мөнх авч явах гэсэн гэнэн мөртлөө өрөвдмөөр хүсэл зорилго нь ямар их гайхалтай байдгийг та, ялангуяа эрэгтэй хүмүүс мэдэх болов уу даа. Үнэнийг хэлэхэд ядаргаатай залхмаар санагддаг байж мэднэ, заримынх нь хувьд.
За энэ ч яахав, тэртэй тэргүй эмэгтэй хүмүүс сэтгэлээрээ баян хүмүүс болохоор алзахгүй ээ хө.
Нээрээ ч хорвоо дэлхий уужим, хийх ажил их байна шүү.

Хүмүүн гэгч сонин амьтан

Өнөөдөр яагаад ч юм сонссоноо, дуулснаа энд сийрүүлмээр санагдаж байна. …..

Халуухан энгэрт чинь наалдан гунигаа би тайллаа.
Халуу шатсан уруулыг чинь үнсэж гомдлоо би орхилоо.
Тэвэрт чинь эрхлэн жаргаж зүрхээ би тайвшрууллаа.
Тэр мөчид л бид нэг хүн мэт хамтдаа нисч билээ….

Минийх болоогүй хувь заяандаа гомдлоо гээд хувь тавилан ямар эргэх биш. Минийх гэж өмчлөөд өөрийнх нь сонгосон хувь заяаг нь ямар хагалалтай биш.
Хүнийх байсан ч хамаагүй ээ яадгийн, намайг зориод л ирдэг бол хангалттай.
Хүнийх байсан ч минийх л юм шиг надтай жаргадаг бол сайхаан…..

Сэтгэлдээ бодож санасан бүхнээ буулгана гэдэг амьдралын минь бас нэгэн хэсэг. Ганцхан олдох амьдралаа санаснаараа, гэхдээ зөв, бодсоноороо гэхдээ ухаалагаар авч явах нь л миний эрхэм зорилго. Хүмүүн гэгч сонин амьтан. Хаширдаггүй, алдаа руугаа дахин дахин зүтгэх дуртай. Гэхдээ дотроо бодолтой, толгойдоо тоотой байх нь чухал гэж санаж байна…..

My Photo

Би бодлоо

Цаснаар бодлоо хөвсөөр нэг мэдэхэд ирэх газраа хүрээд ирсэн байв. Жаваргүй өдөр хааяа ганцаараа бодол хөвөн алхах сайхан шүү. Цасны чар чархийх чимээ бас нэг үг хэлээд байх шиг. Гэхдээ хотын маань цас агаараасаа болоод шаргаl өнгөтэй. Гялтганах ч юмгүй. Харин миний мэдэхийн Эрдэнэт, Дарханы цас гялтгасан цагаан өнгөтэй юм билээ. Өвлийн улиралд би тэр хоёр газарт л очиж байв. Харин Дорноговьд тэгж харагдахаар цас орох нь үгүй. Ингээд л миний очиж үзсэн холын нутаг маань дуусах нь тэр. Нэгэн хүний хэлснээр бол одоогийн залуучууд хоосон цэцэрхэхээс цаашгүй өрөвдмөөр хүмүүс ажээ. Эх орныхоо байгалийн үзэсгэлэнт газрыг судалж мэдэх нь миний ойлгосноор залуу хүн бүрийн эрхэм зорилго байх учиртай аж. Явсан хүн хожиж, суусан хүн яадаг гэдэг билээ дээ. Энэ бас үнэн л үг. Би яагаад ч юм тэр үгийг сонсоод өөрөөсөө бага зэрэг ичиж билээ. Өдий хүртэл юу хийж явсан бэ, нөхөр минь чи гэж өөрөөсөө асууж үзлээ.

Бодоод бодоод шальтай хийсэн зүйл ч алга. Харин хийхээр төлөвлөсөн ажил маш их. Тэгсэн хэрнээ төлөвлөгөөнд маань хөдөө, гадаа явж байгальтай танилцах тухай нэг үг ч алга. Би бодлоо. Хэрвээ төлөвлөөд зорьсон бол над шиг бодсоноо хийж байж санаа амардаг хүн түүндээ хүрэх л байсан гэж.

Уул, ус, дов толгод, гол нуур, ой мод, ан амьтан, өвс ургамалыг мэдэхгүй хүн байхгүй л дээ. Түүнийг юугий нь үзэх вэ дэ гэж бодох хүн гарах байх. Гэвч дээрх нэр төрлийн зүйлс хүнд ямар их эрч хүч, оюун санааны урам хайрладгийг хүмүүс тэр бүр мэдэхгүй.

Эмэгтэй хүн өр зөөлөнтэй

Удахгүй шинэ он гарах нь. Амьдралын маань бас нэгэн хуудас эргэж байна даа. Одоо шинэ хуудсан дээр цоо шинээр аз жаргалын тухай, амжилтын тухай өгүүлэх байхаа гэж найдна. Надад ирсэн хуудас бүхэн цэвэрхэн цагаан байсан. Би түүн дээр өөрийнхөө дуртай бүжгийг бүжиглэж, бас хааяа хааяахан гунигт бодлыг хөвсөөр өнгөрөөсөн. Ухаарал хайрласан он жилүүдээс би олон зүйлийг хэзээ ч мартахын аргагүйгээр өөрийн болгосон. Би залуу хүн. Амьдралынхаа энэ үеийг ажил, гэр гэсээр гандаахгүй байхыг хүссэн. Түүнийгээ биелүүлсээр байгаа гэж боддог шүү. Тиймээ залуу хүн бүр л тэгж боддог байх. Тэр нь бидний хувьд амьдралын маань жаргалтай үе байхгүй юу. Тэгвэл аз жаргал гэж юу билээ хэмээн хэн нэгэн нь надаас асуувал миний юу гэж хариулахыг та мэдэж байна уу? Аливаа зүйлд сэтгэл хангалуун байвал би аз жаргалтай хүн гэнэ. Энэ тухай саяхан мэдэж авсан юм. Өөрөөр хэлбэл өнгөрсөн зун Бясалгалын хичээлд явж байхдаа ойлгож билээ.Тиймээ үнэхээр хүн өөрөө өөртөө, өрөөл бусдад ч сэтгэл хангалуун байх хэрэгтэй юм байна. Түүнийг бий болгохын тулд хэзээ ч байгаагаасаа илүү болж чадахгүй зүйлд сэтгэл ханаж, тэр чигээр нь хүлээн авах, хүлээн зөвшөөрч чадвал хүн аяндаа тайвширч аз жаргалтай болдог юм билээ. .

Happy new year